The Most Beautiful Heart Touch Poetry In The World

Name : Naqash Jee
From Hassan Abdal
Email Adress: leo_29_1990@yahoo.com
















Popular posts

Monday, July 8, 2013

Main aesi mohabbat kerta hoon………

Main aesi mohabbat kerta hoon………

May aisi mohabat karta hun
tum kaisi mohabat karti ho
tum jahan pr beth k jai ho
may wahen pe betha rehta hun
us chez ko choota rehta hun

tum jis se huns k milti ho
may usko dost banata hun
tum jis rastay par chalti ho
may us sy ata jata hun
may aisi mohabat karta hun
tum kaisi mohabat kari ho

tum jinko dekhti rehti ho
wo khowab sarhany rakhta hun
tumsay milnay julnay k
kitnay hi bahanay rakhta hun
may aisi mohabat karta hun
tum kaisi mohabat karti ho

tum jahan b beth k jati ho
jis chez ko hath lagati ho
main wahen par betha rehta hun
us jaga ko choota rehta hun
main aisi mohabat karta hun
tum kaisi mohabat kari ho

kuch khwab saja kr ankhon main
palko sy moti chunta hun
koi lums agar choo jae to
may pehron usko sochta hun
may aisi mohabat karta hun
tum kaisi mohabat karti ho

her moqay par her manzar main
may sath tumhary rehta hun
may chashm-e-tasavur may aksar
bus tumko dekhta rehta hun
bus tumko sochta rehta hun
may aisi mohabat karta hun
tum kaisi mohabbat karti ho.


LARKI KA JAWAB


tum jab bhi ghar par aatay ho
aur sab say batain kartay ho
main aut say parday ki janan
bus tum ko dekhti rehti hoon
ik tum ko dekhnay ki khatir
main kitni pagal hoti hoon
main aisi mohabat karti hoon
tum kaisi mohabbat kartay ho
jab darwazay par dastak ho
ya ghanti phone ki bajti ho
main chor k sab kuch bhagti hoon
aur tum ko jo na paoon to
ji bhar k ronay lagti hoon
main aisi mohabbat karti hoon
tum kaisi mohabbat kartay ho
mehfil main kaheen bhi jana ho
kapron ka selection karna ho
rang bohat say samnay bikhray hoon
us rang pe dil aa jata hai
jo rang k tum ko bhata hai
main aisi mohabbat karti hoon
tum kaisi mohabbat kartay ho
rozana apnay college main
kisi aur ka lecture suntay hoay
ya break k khali ghantay main
sakhyoon say batain kartay hoay
meray dhiyan main tum aa jatay ho
main, main nahin rehti phir janan
main tum main gum ho jati hoon
bus khuwabon main kho jati hoon
un aankhon main kho jati hoon
main aisi mohabbat karti hoon
tum kaisi mohabbat kartay ho
jis chehray par bhi nigha paray
her chehra tum sa lagta hai
wo sham ho ya ke dhop samay
sab kitna bhala sa lagta hai
janay ye kaisa nasha hai
garmi ka tapta mosam bhi
jaray ka maheena lagta hai
main aisi mohabbat karti hoon
tum kaisi mohabbat kartay ho
tum jab bhi samnay aatay ho
main tum say sunn na chahti hoon
kash kabhi tum ye keh do
tum mujh say mohabbat kartay ho
tum mujh ko bohat hi chahtay ho
lekin janay tum kyun chup ho
yeh soch k dil ghabrata hai
aisa to nahin hai na jana
sirf meri nazar ka dhoka ho
tum nay mujh ko chaha hi na ho
koi aur hi dil main rehta ho
main tum say poochna chahti hoon
main tum say kehna chahti hoon
lekin kuch pooch nahin sakti
mana ke mohabbat hai phir bhi
lab apnay khol nahin sakti
main larki hoon kaisay keh doon
main kaisi mohabat karti hoon
main tum say ye kaisay pochoon
tum kaisi mohabbat kartay ho
chup chap see main...ho jati hoon
phir dil main apnay kehti hoon
main aisi mohabbat karti hoon
tum kaisi mohabbat kartay ho

Continue lendo >>

Tuesday, June 26, 2012

aaj unhe.n kuchh is tarah jii khol kar dekhaa kiye

aaj unhe.n kuchh is tarah jii khol kar dekhaa kiye
ek hii lamhe me.n jaise umr bhar dekhaa kiye

dil agar betaab hai dil kaa muqaddar hai yahii
jis qadar thii ham ko taufiiq-e-nazar dekhaa kiye

Khud_faroshaanaa adaa thii merii suurat dekhanaa
apane hii jalve ba-andaaz-e-digar dekhaa kiye


naashanaas-e-Gam faqat daad-e-hunar dete rahe
ham mataa-e-Gam ko rusvaa-e-hunar dekhaa kiye


dekane kaa ab ye aalam hai ko_ii ho yaa na ho
ham jidhar dekhaa kiye paharo.n udhar dekhaa kiye

husn ko dekhaa hai mai.n ne husn kii Khaatir 'Hafeez'
varnaa sab apanaa hii me_aar-e-nazar dekhaa kiye

Continue lendo >>

Monday, June 6, 2011

tere baGair ye ab zindagii

tere baGair ye ab zindagii kahaa.N guzare
qadam qadam pe tere saath kaa gumaa.N guzare


ye din jo dhiire se phisalaa to shaam ke manzar
tere baGair udaasii ke daramiyaa.N guzare


vo ashk huu.N ki sar-e-raah gir gayaa thaa kabhii
uThaa sakaa na ko_ii kitane kaaravaa.N guzare


mai.n Khushk hoke bikharataa rahaa huu.N pairo.n me.n
bahut zamaanaa huaa mujh pe kashtiyaa.N guzare


tere badan kaa aalaa_o ho merii saa.Nso.n me.n
kabhii vo lamhaa bhii ik baar jaan-e-jaa.N guzare


ye baat ab bhii nahii.n hai kisii se kahane kii
tamaam sajde tere dar se raayagaa.N guzare

Continue lendo >>

ye aur baat terii galii me

ye aur baat terii galii me.n na aaye.n ham
lekin ye kyaa ki shahar teraa chho.D jaaye.n ham

muddat hu_ii hai kuu-e-butaa.N kii taraf gaye
aavaaragii se dil ko kahaa.N tak bachaaye.n ham


shaayad ba_qaid-e-ziist ye saa_at na aa sake
tum daastaan-e-shauq suno aur sunaaye.n ham


be_nuur ho chukii hai bahut shahar kii fazaa
taariik raasto.n me.n kahii.n kho na jaaye.n ham



us ke ba_Gair aaj bahut jii udaas hai
'Jalib' chalo kahii.n se use Dhuu.NDh laaye.n ham


Continue lendo >>

is shahar-e-Kharaabii

is shahar-e-Kharaabii me.n Gam-e-ishq ke maare
zindaa hai.n yahii baat ba.Dii baat hai pyaare

ye ha.Nsataa huaa chaa.Nd ye pur_nuur sitaare
taabindaa-o-paa_indaa hai.n zarro.n ke sahaare

[taabindaa-o-paa_indaa = burning bright and eternally]

hasarat hai ko_ii Gunchaa hame.n pyaar se dekhe
aramaa.N hai ko_ii phuul hame.n dil se pukaare

har subah merii subah pe rotii rahii shabanam
har raat merii raat pe ha.Nsate rahe taare

kuchh aur bhii hai.n kaam hame.n ai Gam-e-jaanaa.N
kab tak ko_ii ulajhii hu_ii zulfo.n ko sa.Nvaare

Continue lendo >>

dil kii baat labo.n par laakar

dil kii baat labo.n par laakar ab tak ham dukh sahate hai.n
ham ne sunaa thaa is bastii me.n dil vaale bhii rahate hai.n

biit gayaa saavan kaa mahiinaa mausam ne nazare.n badalii
lekin in pyaasii aa.Nkho.n me.n ab tak aa.Nsuu bahate hai.n

ek hame.n aavaaraa kahanaa ko_ii ba.Daa ilzaam nahii.n
duniyaa vaale dil vaalo.n ko aur bahut kuchh kahate hai.n

jis kii Khaatir shahar bhii chho.Daa jis ke liye bad_naam hue
aaj vahii ham se begaane begaane se rahate hai.n

vo jo abhii rah_guzar se chaak-e-garebaa.N guzaraa thaa
us aavaaraa diivaane ko 'Jalib'-'Jalib' kahate hai.n

Continue lendo >>

aur sab bhuul gaye

aur sab bhuul gaye harf-e-sadaaqat likhanaa
rah gayaa kaam hamaaraa hii baGaavat likhanaa

laakh kahate rahe.n zulmat ko na zulmat likhanaa
ham ne siikhaa hii nahii.n pyaare baa_ijaazat likhanaa

na sile kii na sitaa_ish kii tamannaa ham ko
haq me.n logo.n ke hamaarii to hai aadat likhanaa

ham ne jo bhuul ke bhii shaah kaa qasiidaa na likhaa
shaayad aayaa isii Khuubii kii badaulat likhanaa

us se ba.Dh kar merii tahasiin bhalaa kyaa hogii
pa.Dh ke naaKhush hai.n meraa saahab-e-sarvat likhanaa

dahar ke Gam se huaa rabt to ham bhuul gaye
sarv qaamat kii javaanii ko qayaamat likhanaa

kuchh bhii kahate hai.n kahe.n shaah ke masaahib 'Jalib'
rang rakhanaa yahii apanaa isii suurat likhanaa

Continue lendo >>

baat saaqii kii na

baat saaqii kii na Taalii jaayegii
kar ke taubaa to.D Daali jaayegii


dekh lenaa vo na khaalii jaayegii
aah jo dil se nikaalii jaayegii


gar yahii tarz-e-fugaa.N hai a.ndalii
to bhii gulashan se nikaalii jaayegii


aate aate aayegaa un ko Khayaal
jaate jaate beKhayaali jaayegii


kyuu.N nahii.n milatii gale se teG-e-naaz
iid kyaa ab ke bhii khaalii jaayegii

Continue lendo >>

Friday, December 4, 2009

Waqt Ki Raftar Key Sath Tu Chalna Seekh Ley

Waqt Ki Raftar Key Sath Tu Chalna Seekh Ley
Dard Seh Ker Is Jahan Main Muskrana Seekh Ley

Doosron Sey Shikwa Kerna Or Shikayat Chor Dey
Her Kisi Sey Piyar Kerna Dil Lagana Seekh Ley

Kanch Key Tukrey Parey Hain Zindagi Ki Rah Per
Kanch Key Tukron Pey Chal Ker Tu Bhi Jeena Seekh Ley

Gham Utha Ker Muskrana Kaam Yeh Waliyon Ka Hey
Auoliya Key Naqsh-E-Pa Per Tu Bhi Chalna Seekh Ley

Continue lendo >>

kash koi aisaa hota

kash koi aisaa hota
jis say mil kay dil ka bojh kam hota
jo dukh ko samajhta
jo sukh ko pehchanta
kash koi aisa hota
jis se milnay ki tamanna dil meN hotee
jo muntazir hota
jo bayqarar karta
kash koi aisa hota
jis ko taknay say benaai aati
jo jism meN rooh sa hota
jo dil meN dhaRkan saa hota
kash koi aisa hota
jis key liye saaNs lenaa maqsad hota
jo khushi ka sabab hota
jo soch ka mehwar hota
kash koi aisaa hota
jis main apnaiyat hotee
jo sirf mera hota
aur
jis ke liye sirf meiN hota
kash koi aisaa hota
kash koi aisa hota

Continue lendo >>

Thanx for visit our Blog

This blog does not host any of the files mentioned on this blog. This blog only points out to various links on the Internet that already exist and are uploaded by other websites or users there. If you have any clarifications to be made or If you find any contents in this site which you think can be offensive contact me at leo_29_1990@yahoo.com & the content will be removed or modified accordingly.
;

TOPO